Tragjedia në Koçan, Mexhiti vendos lule në sheshin “Skënderbeu”: Solidarizohemi me njëri-tjetrin

21:23 | 16 Mars 2025
E.H

Zëvendëskryeministri i parë i Maqedonisë së Veriut, Izet Mexhiti ka vendosur lule në sheshin “Skënderbeu” në Shkup në nderim të personave që humbën jetën nga tragjedia në Koçan.

Me anë të një postimi në Facebook, Mexhiti tha se së bashku e ndajmë dhimbjen e solidarizohemi me njëri-tjetrin.

“Sonte, në Sheshin Skënderbeu, vendosëm lule në nderim të jetëve të humbura të viktimave në tragjedinë e Koçanit. Së bashku, e ndajmë dhimbjen e solidarizohemi me njëri-tjetrin. Sonte, në gjuhë të ndryshme flasim, por njejtë i vajtojmë dhe pikëllohemi për të rinjtë dhe të rejat tona që i humbëm padrejtësisht. Lutjet dhe mendimet tona janë me familjet e viktimave dhe të lënduarit. Ata nuk janë vetëm në këtë dhimbje! Jemi bashkë”, tha Mexhiti./Arbresh.info