Përfaqësuesi i Lartë i Bashkimit Evropian (BE) për Politikë të Jashtme dhe Siguri, Josep Borell do t’i informojë ministrat e jashtëm tё shteteve anëtare tё Bashkimit Evropian për hapat e ardhshëm në procesin e normalizimit të marrëdhënieve ndërmjet Kosovës dhe Serbisë, ka konfirmuar zëdhënësi i BE-së, Peter Stano.
Sipas këtij të fundit, nё takimin ministror qё mbahet nё Bruksel, Josep Borell do t’i informojë ministrat për vizitën e javës së kaluar tё zhvilluar në Prishtinë nga njё delegacion i kryesuar nga përfaqësuesi special evropian për dialog, Miroslav Lajçak.
Mё 20 janar, njё delegacion euro-amerikan vizitoi Prishtinёn dhe Beogradin ku zhvilluan takime të ndara me kryeministrin e Kosovës, Albin Kurti dhe presidentin e Serbisë, Aleksandar Vuçiq. Gjatё takimit ёshtё biseduar pёr tё ashtuquajturin planin franko-gjerman pёr tё cilin shpresohet se do ketё mbështetje tё palëve dhe do nënshkruhet deri nё pranverë tё kёtj viti.
Vizita gjithashtu kishte pёr qëllim përgatitjen e terrenit pёr takimin e radhës tё liderëve me qё konsiderohej se kjo ёshtё e mundur tё ndodh gjatё muajit janar. Pёr momentin nuk ka konfirmim se kur mund tё ndodhë takimi i radhës Kurti-Vuçiq./rtk/
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...