Kandidati për kryetar të Prishtinës, Hajrulla Çeku është takuar sot me banorët e fshatit Rimanishtë, ku ka dëgjuar edhe hallet e shqetësimet e tyre.

Banorët shprehën shqetësimin për mungesën e rrjetit të ujësjellësit dhe kanalizimit, transmeton Arbresh.info.

Me anë të një postimi në Facebook, Çeku tha se menjëherë pas 9 nëntorit do të nis puna në rregullimin dhe trajtimin e të gjitha rrugicave të këtij fshati, do të bëhet lidhja me rrjetin e ujësjellësit dhe kanalizimit si dhe do të asfaltohet rruga Rimanishtë – Siqevë.

“I dëgjuam hallet e shqetësimet e banorëve të secilit fshat e secilës lagje. Kurse tash po ritakohemi për ti konkretizuar planet. Me banorët e fshatit Rimanishtë i diskutuam zgjidhjet konkrete. Menjëherë pas 9 nëntorit do të nis puna në rregullimin dhe trajtimin e të gjitha rrugicave të këtij fshati, do të bëhet lidhja me rrjetin e ujësjellësit dhe kanalizimit. Dhe do të asfaltohet rruga Rimanishtë – Siqevë. Asnjë fshat e asnjë lagje nuk do të diskriminohet. Bashkë për Prishtinën tonë”, ka shkruar Çeku, kandidati i Lëvizjes Vetëvendosje për kryetar të kryeqytetit./Arbresh.info