Ministri i Ekonomisë dhe Ambientit, Blerim Kuçi në interpelancën e thirrur nga Lëvizja Vetëvendosje për çështjen e dy hidrocentraleve të operatorit “Kelkos Energy”, ka folur për burimet ujore dhe të ardhmen e tyre, shkruan arbresh.info.

Sipas ministri Kuçi, ata po punojnë me Bankën Europiane për Rindërtim dhe Zhvillim për të krijuar Ankandin për Energji të Ripërtritshme dhe mos të vazhdohet me tarifa nxitëse për energji të ripërtritshme.

“Burimet ujore janë shfrytëzuar dhe tash kur jemi duke punuar intensivisht me BERZH-in për Ankandin për Energji të Ripërtritshme, burimet ujore nuk përfshihen”, ka thënë Kuçi.

Për këto dy hidrocentrale që po diskutohet në interpelancë, Gjykata Themelore e Prishtinës ka lëshuar aktvendim për shtyerjen e ekzekutimit të vendimeve të Ministrisë së Ekonomisë dhe Ambientit dhe vendimeve të Zyrës së Rregullatorit për Energji./Arbresh.info