Sulmuesi Douglas Costa, insiston se Cristiano Ronaldo është tjetër nivel në krahasim me Robert Lewandowski-n.

Braziliani u rikthye në “Allianz Arena” në formë huazimi gjatë verës, ngase nuk ishte në projektin e Andrea Pirlo-s, transmeton portali arbresh.info.

Costa ka zbuluar se dëshironte rikthimin të Bayern-i, kurse për Ronaldo-n ka thënë se është tjetër nivel nëse krahasohet me polakun ose Neymar-in.

“Kisha oferta tjera para se t’i bashkohesha Juventus-it. Është klub i madh, një ndër më të mirët në Evropë. Doja të fitoja Ligën e Kampionëve me Juve-n”.

“Kisha fatin dhe privilegjin të përballem me kampionë të mëdhenj. Neymar-in në Kombëtare dhe Ronaldo-n të Juventus-i”.

“Tani do luajë me Robert Lewandowski-n, më i miri në Evropë, nëse sheh statistikat edhe pse Cristiano është tjetër nivel”, deklaroi ai.

Costa është vetëm huazim, mirëpo ekziston mundësia që të mbetet përgjithmonë të “Bavarezët”./arbresh.info.