Arsenali raportohet se është futur në garë për shërbimet e sulmuesit të Real Sociedad, Ander Barrenetxea, sipas “Sportsboom”.

Sulmuesi 24-vjeçar ka tërhequr vëmendjen edhe të Tottenham Hotspur, me të dy klubet londineze që po e ndjekin nga afër zhvillimin e tij pas paraqitjeve të mira në La Liga gjatë sezoneve të fundit.

Barrenetxea ka një klauzolë lirimi prej 75 milionë eurosh në kontratën e tij me Real Sociedadin, çka tregon vlerësimin e lartë që ka brenda klubit spanjoll.

Megjithatë, raportohet se Arsenali po shqyrton mundësinë e një oferte fillestare rreth 30 milionë euro, me qëllim të hapjes së negociatave dhe testimit të gatishmërisë së klubit për të shitur lojtarin.

“Topçinjtë” synojnë të jenë përpara rivalëve të tyre të Londrës Veriore në garën për transferimin e sulmuesit, teksa po kërkojnë të forcojnë repartin ofensiv.

Klubi londinez beson se profili i Barrenetxeas përshtatet me projektin afatgjatë, falë shpejtësisë, driblimit dhe aftësisë për të krijuar raste nga krahët, duke e bërë atë një opsion të vlefshëm për të ardhmen në Ligën Premier.