Përmes një njoftimi për medie, OJQ “Shëndetësia e Bashkuar Kosovare”, ka kërkuar dorëheqjen e Ministrit të Shëndetësisë Armned Zemaj, shkruan arbresh.info.

Sipas tyre, ky vendim rrezikon shendetin e gjithe popullates sidomos prej rasteve asimptomatike te cilat jane menyra me e shpeshte e transmetimit te SARS-COV-2.

Ky është njoftimi i plotë i OJQ “Shëndetësia e Bashkuar Kosovare”

“Ju njoftojmë qe denojme rende vendimin e Ministrisë se Shëndetësisë te udhëhequr nga Armend Zemaj (LDK) për ndalimin e testimeve për COVID19 në Republikën e Kosovës.

Vendimi i tille shpreh qe vetëm rastet specifike nga Klinika Infektive apo rastet simptomatike me gjendje te rende do mund te kenë te drejtën për testim.

Ky vendim rrezikon shëndetin e gjithë popullatës sidomos prej rasteve asimptomatike të cilat janë mënyra me e shpeshte e transmetimit te SARS-COV-2.

Punëtori shëndetësor i cili përballet me rrezikun kryesor nga sëmundja vdekjeprurëse është harruar tërësisht nga qeveria aktuale, përkundrazi masat e reja dhe ndalimi i testimit, po ashtu edhe ndalimi i pagesës bonos mbi rroge vetëm tregon jo-profesionalitetit dhe paaftësinë e Armend Zemaj për postin ne fjale dhe joseriozitetin e qeverise aktuale per te drejtat themelore njerezore.

Ne si shoqata me e madhe medicinale ne Kosove me karakter sindikal, kërkojmë:
1.Doreheqjen e Armend Zemaj nga posti i Ministrit.
2.Anulimin e Vendimit për Ndaljen e Testimeve për COVID19
3.Shqyrtimin e vazhdimit te pagesave bonus për Punëtoret Shëndetësore
4.Ekzekutimin e Ligjit te Pagave
5.Transparence ne numrin aktual dhe përdorimin e test-kits për COVID19 qe gjenden tek IKSHPK”, thuhet në njoftim.

Nga ana tjetër këtë vendim të Ministrisë së Shëndetësisë, e kishte kundërshtuar edhe Bekim Haxhiu nga Komisioni Hetimor Parlamentar në lidhje me menaxhimin e pandemisë COVID-19. Ai, në një përgjigje të dhënë për arbresh.info, kishte thënë se ky vendim nuk ka logjikë ne aspektin e parandalimit të sëmundjes me virusin COVID-19/arbresh.info/

LEXO EDHE:

MSh-ja ndalon testimet për rastet e kontaktit, Bekim Haxhiu e cilëson të palogjikshme: Nuk ka lidhje me parandalim