Juve s’heq dorë nga Spalletti, arrihet marrëveshja për kontratën e re

17:33 | 9 Prill 2026
E.G

Klubi italian, Juventus raportohet se ka vendosur të vazhdojë bashkëpunimin me trajnerin Luciano Spalletti, pavarësisht nëse skuadra siguron apo jo një vend në Ligën e Kampionëve për sezonin e ardhshëm.

Sipas medieve italiane, marrëveshja mes palëve është arritur pas disa javësh negociatash dhe kontrata e teknikut italian pritet të zgjatet deri në vitin 2028.

Kjo lëvizje tregon qartë se drejtuesit e klubit torinez po ndërtojnë një projekt afatgjatë me Spallettin në krye.

Trajneri toskan mori drejtimin e Juventusit në fund të tetorit, pas largimit të Igor Tudor, duke firmosur fillimisht një marrëveshje deri në fund të këtij sezoni. Megjithatë, puna e tij ka bindur drejtuesit që të vazhdojnë bashkëpunimin.

Zyrtarizimi i rinovimit pritet të bëhet publik në orët në vijim, me gjasë përpara përballjes ndaj Atalanta, në një moment kyç për bardhezinjtë në fundin e sezonit.