Ani pse mbrëmë siguruan play-offin, pavarësisht humbjes së thellë nga Trepça, Sigal Prishtinës po i ikin lojtarët në fazën më të nxehtë të sezonit.

Lojtari i radhës që u largua dy ditë para nisjes së play-offit është lojtari më i mirë që pati Sigali këtë edicion, Adrio Bailey, shkruan Arbresh.info.

Mëngjesin e sotëm klubi izraelit Maccabi Kiryat Gat zyrtarizoi transferimin e Baileyt.

Adrio luan në pozitën e alo-qendrës (4), dhe pati një sezon fantastik me kryeqytetasit. Dje në ndeshjen e fundit ai realizoi 26 pikë.

Bailey gjatë tërë sezonit pati mesatare prej 17 pikësh për lojë, 6.5 kërcimesh dhe 1.5 asistimesh.

Tashmë, Prishtinës i kanë mbetur vetëm dy lojtarë të huaj, bëhet fjalë për Dericko Williams dhe Alex Lomax.

Të dielën në sallën “1 Tetori”, në çerekfinalen e parë të play-offit bardhekaltërit përballen me Borën./Arbresh.info

 

View this post on Instagram

 

A post shared by Bc Maccabi Kiryat Gat (@maccabi_kiryat_gat_bc)