Kryetari i Komunës së Kaçanikut, Besim Ilazi, ka shprehur ngushëllime familjarëve dhe Policisë së Kosovës, pasi të martën në mbrëmje u vra polici Muhamed Lika.

Ilazi në një postim në Facebook thotë se janë tronditur nga ngjarja e fundit në Kaçanik, ku humbi jetën polici, veterani i Ushtrisë Çlirimtare të Kosovës, Muhamed Lika.

“Të tronditur nga ngjarja e fundit tragjike në Kaçanik, ku humbi jetën polici, veterani i Ushtrisë Çlirimtare të Kosovës, Muhamed Lika.

Me këtë rast në emër tim dhe të institucioneve komunale, ndajmë ngushëllimet më të sinqerta për familjen, miqtë, kolegët nga Policia e Kosovës dhe gjithë qytetarët e Komunës së Kaçanikut e mbarë Kosovës.

Lutemi që raste të tilla të mos përsëriten asnjëherë, e shpirti i tij pushoftë i qetë në paqen e paskajme”, shkruan ai.