Ministrja e Arsimit, Shkencës, Teknologjisë, Arbërie Nagavci ka njoftuar se është hapur thirrja për përkrahjen e studimeve të doktoratës në 500 universitetet më të mira në botë, sipas listës “Shanghai” të vitit 2024/2025.

Me anë të një postimi në Facebook, Nagvci bëri të ditur se vlera e kësaj burse do të jetë 8 mijë e 500 euro, shkruan Arbresh.info.

“Konkursi është publik dhe vlen për studentët shtetas të Republikës së Kosovës. Përparësi kanë aplikuesit/et që nuk kanë bursë të pjesshme nga ndonjë skemë/institucion brenda apo jashtë vendit dhe ata/ato që studiojnë në universitetet e ranguara më së larti në rangimin  ndërkombëtar të universitetit pritës.”, ka shkruar ministrja.

“Thirrja do të jetë e hapur deri më 14.10.2024, në ora 16:00 ndërsa detajet më të hollësishme mund t’i gjeni në këtë link: Për studentët tanë, më shumë përkrahje e më shumë mundësi!”, ka shkruar ajo./Arbresh.info/