Seancë e jashtëzakonshme për tekstet shkollore, Bajrami: Qeveria e 51 përqindëshit nuk është në Kuvend

13:21 | 4 Shtator 2023
E.H

Deputetja e Lidhjes Demokratike të Kosovës (LDK), Hykmete Bajrami në foltoren e Kuvendit ka folur për blerjen e librave shkollor nga prindërit dhe kompensimin e tyre nga Ministria e Arsimit, Shkencës, Teknologjisë dhe Inovacionit.

Në seancën e sotme të jashtëzakonshme të thirrur nga opozita për të diskutuar lidhur me furnizimin e nxënësve me libra, Bajrami ka thënë se qeveria e vendit e ka varë të vetmin element të barazisë që është në shkollat e Kosovës.

“Data një shtatori është dita kur fëmijët janë nderë të barabartë që nga shpallja e Pavarësisë. Pasi i kanë gjetur të gjitha librat dhe tekstet mësimore. Këtij viti MASHTI dështoi të bëjë pazar me shtëpitë botuese, dështoi të merret vesh dhe u tha prindërve që ato t’i blejnë ato. Sot qeveria e 51 përqind-shit nuk është në Kuvend, me të vërtetë nuk po e dimë nga kush po ikni”, ka thënë Bajrami./Arbresh.info