Ronaldo e injoroi FIFA-n, nuk pranoi të votonte për më të mirët e vitit

14:02 | 28 Shkurt 2023
A. B.

Mbrëmë u ndanë çmimet e më të mirëve të vitit 2022 nga FIFA, në gala mbrëmjen e mbajtur në Paris të Francës.

Këto mirënjohje u vendosën nga kapitenët e Kombëtareve, selektorët, gazetarët sportistë dhe nga publiku.

Por, edhe pse është kapiten i Portugalisë, Cristiano Ronaldo e ka injoruar procesin e votimit.

Në listën e publikuar nga FIFA pas mbajtjes së këtij organizimi u pa që tek Portugalia kishte votuar qendërmbrojtësi Pepe e jo “CR7”.

Ylli portugez, i cili së fundmi vendosi ta vazhdojë karrierën në Arabinë Saudite, ka vendosur që të mos shpërqendrohet nga angazhimet dhe obligimet e tij, për dallim nga vitet e fundit, kur ishe njëri prej favoritëve potencialë për ta fituar këtë çmim.

Sa për informatë, shoku i tij i Kombëtares i votoi Kylian Mbappen përpara Luka Modricit e Karim Benzemas, duke e injoruar fituesin e këtij çmimi, Lionel Messi./GE/