Anija me kontejnerë Ex-Press Pearl, e cila po udhëtonte nga India për në Sri Lanka, u trondit nga një shpërthim herët në mëngjes. Një anije që mbante 25 tonë acid nitrik mori flakë afër portit të Colombo.

Ekipet e shpëtimit evakuuan të gjithë ekuipazhin nga anija kontejner në brigjet e Sri Lanka, pasi zjarri në anije shpërtheu dhe dy persona u plagosën, tha sot zëdhënësi i marinës së Sri Lankës, Indica de Silva.

Një shpërthim u raportua brenda anijes, tha De Silva, duke shtuar se helikopteri i forcave ajrore ndali zjarrin me pluhur kimik të thatë, raporton reuters.

Anija kontejnerë “MV X-Pres with Pearl”, e cila lundron nën flamurin e Singaporit, duke transportuar kozmetikë dhe kimikate, përfshirë 25 tonë acid nitrik, u ankorua në brigjet e Colombo kur një zjarr shpërtheu të Premten, thanë zyrtarët.

Anija u largua nga porti i Hazira në Indi në 15 maj dhe ishte në rrugën e saj për në Singapor përmes Colombo. Autoritetet e Sri Lankës thanë se ekspertë nga Hollanda dhe Belgjika po inspektonin anijen, ndërsa India fqinje premtoi të dërgojë anije dhe një avion për të ndihmuar në luftimin e zjarrit.