Gjykata e Dubrovnikut ka konfirmuar sot ekstradimin e Ismail ‘Ballist’ Morinës drejt Serbisë.

Para pak ditësh, edhe pas presionit të madh nga Shqipëria, Gjykata e Lartë e Kroacisë e ktheu për shqyrtim nga e para çështjen për ekstradimin e tij në Serbi. Gjykata e Dubrovnikut do të merrej me rigjykimin, pasi ishte po ajo gjykatë që disa javë më parë vendosi ekstradimin e Morinës, raporton “Sport Ekspres”.

Kishte optimizëm se tashmë gjithçka do të ndryshonte. Megjithatë, tani në Dubrovnik kanë marrë të njëjtin vendim. Kjo do të bëjë që nesër bashkëshortja e Morinës, së bashku me avokatin e tij, të paraqiten sërish në Gjykatën e Lartë. Morina ka aplikuar edhe për azil politik, pasi avokati i tij ka argumentuar se jeta e Ismail Morinës është në rrezik në Serbi dhe urdhër arresti në ngarkim të tij është si një dënim me vdekje.