Në një intervistë për Vogue Arabia, aktorja e njohur Sharon Stone, ka deklaruar se nuk planifikon që t’i nënshtrohet procedurave estetike.

Edhe pse ka përdorur botoks në të kaluarën, ajo tani ka hequr dorë nga kjo procedurë, ndërsa ka treguar se një nga ish të dashurit e saj e braktisi atë kur ajo vendosi që të mos bënte ndërhyrje estetike, transmeton portal arbresh.info

“E pashë edhe një herë pas kësaj dhe ai nuk ishte më i interesuar për mua. Nëse dikush nuk sheh më shumë se Botox tek unë, atëherë ju lutem, ju e dini se ku është dera”, tha ajo.

Ajo gjithashtu theksoi se si e forcoi pozitën e saj pas aneurizmës në vitin 2001, e cila pothuajse i kushtoi jetën. Në atë kohë, operacioni zgjati shtatë orë dhe procesi i rikuperimit ishte i gjatë.

“Kjo ishte koha kur përdora botoksi, mbushës dhe alternativa të ngjajshme dhe më pas përjetova një goditje masive”, tha ajo.

Edhe pse Sharon ka thënë se ndihet rehat në lëkurën e saj, ajo thotë se është e vetëdijshme se gratë bëhen të padukshme ndërsa plaken në një botë të seksizmit dhe moshës.

“Mendoj se arti i plakjes me hijeshi ka diçka seksi në zotërimin e papërsosmërive. Është sensual. Njerëzit kanë frikë nga ndryshimi dhe humbja e diçkaje. Ata nuk e kuptojnë se edhe ata po fitojnë diçka”, tha ajo./arbresh.info/