Presidenti i Serbisë, Aleksandar Vuçiq, është takuar me Ndihmës Sekretarin amerikan të Shtetit për Çështjet Euro-Aziatike, James O’Brien, në margjinat e Samitit të BE-së për Ballkanin Perëndimor në Kotorr të Malit të Zi.
Vuçiq ka njoftuar se kanë diskutuar për marrëdhëniet dhe zgjerimin e bashkëpunimit ndërmjet Serbisë dhe Bashkimit Evropian.
“Takimin me Jim O’Brien e shfrytëzova për të shkëmbyer mendime për situatën aktuale rajonale dhe gjeopolitike, progresin në procesin e afrimit të Ballkanit Perëndimor dhe mundësitë për forcimin e mëtejshëm të marrëdhënieve dhe zgjerimin e bashkëpunimit ndërmjet Serbisë dhe BE-së”, ka shkruar presidenti serb në Instagram.
Vuçiq ka falënderuar SHBA-në, për mbështetjen e reformave dhe rrugës evropiane të të gjithë rajonit, e cila, para së gjithash, do të reflektohet në mundësi të reja dhe një jetë më të mirë për të gjithë qytetarët e Serbisë.
Temë e diskutimit të tyre, ishte edhe Kosova, ku tha se nuk u pajtuan për shumicën e çështjeve.
“Edhe pse nuk u pajtuam për shumicën e çështjeve që kanë të bëjnë me Kosovën Serbia e vlerëson përfshirjen e SHBA-së kur bëhet fjalë për insistimin në zbatimin e marrëveshjeve të arritura në dialog dhe para së gjithash formimin e Asociacionit”, tha Vuçiq./Arbresh.info/
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...