Synimi për të arritur nivele të larta dhe dëshira për të provuar veten në një kampionat të ri kanë qenë shtysat për Jonathan David që ta zgjidhte Juventus.

Në konferencën e tij të parë për shtyp si lojtar i “Zonjës së Vjetër”, sulmuesi kanadez nuk e ka fshehur entuziazmin dhe objektivat e qarta për të ardhmen në Serie A.

“Njëzet e pesë gola si te Lille? Ka sfida për të gjithë, për mua është e mundur. Duhet të punoj shumë, por mendoj se mund ta bëj. Çdo ligë ka sfidat e saj, zgjedhja e Juventus më çoi në Serie A,” është shprehur David, që tashmë mban fanellën me numër 30.

Duke folur për idhujt e tij të dikurshëm dhe frymëzimet që ka ndjekur gjatë rrugëtimit si futbollist, ai ka përmendur emra të lidhur edhe me skuadrën e tij të re. “Si fëmijë, shikoja Drogba dhe Eto’o, por sot ka kaq shumë sulmues të fortë. Te Juventusi, më pëlqente Ronaldo, Dybala, Del Piero dhe Trezeguet”, ka thënë David.