Njësia e Komunikacionit Rrugor në Ferizaj, gjatë një patrullimi rutinor, ka zbuluar dhe ndaluar dy shoferë që po zhvillonin gara shpejtësie në rrugët e qytetit, duke rrezikuar sigurinë publike.

Ngjarja ka ndodhur mbrëmë, rreth orës 00:03, në rrugën “Driton Islami”, ku janë identifikuar shoferët L.I. (26 vjeç) dhe B.D. (25 vjeç), të cilët ishin duke vozitur me një shpejtësi prej 91 km/h në një zonë ku kufizimi maksimal është 50 km/h.

Sipas njoftimit, secili prej shoferëve është gjobitur me nga 500 euro, janë penalizuar me nga pesë pikë negative në patentë-shofer dhe u është shqiptuar ndalim i drejtimit të automjetit për një periudhë prej 12 muajsh.

“Policia Rajonale e Ferizajt do të vazhdojë me kontrolle të rregullta dhe aktivitete të intensifikuara për rritjen e sigurisë në rrugë dhe respektimin e rregullave të komunikacionit’, thuhet në njoftim ./Arbresh.info