Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj një personi të mitur, i dyshuar për vrasjen e rreshterit të policisë, Muhamed Lika.

LEXO EDHE:

Njëri nga të arrestuarit për vrasjen e policit Lika sot mbush 18-vjet

“Sipas Prokurorisë, ekziston dyshimi i bazuar se më 01.04.2025, reth ores 23:00, në Kaçanik, në rrugën “Idriz Seferi”, përkatësisht në katin e II-të të hyrjes së ndërtesës, i mituri ne bashkëkryerje me madhorët me iniciale: H.B., R.M., V. ç., E.L., Sh.K., dhe D.G., me dashje dhe përgatitje paraprake ka privuar nga jeta tani të ndjerin zyrtarin policor, M.L., në atë mënyrë që viktima pas përfundimit të orarit të punës, rrugës për në banesen e tij, ku i njëjti ishte përcjellur në vazhdimesi nga madhorët deri te hymja e banesës se tij ku,pasi që hynë në objektin e banesës ku ka jetuar duke u ngjitur shkallëve, i mituri i shkon nga mbrapa dhe pasi që viktima hynë në objektin banesor pas tij hyn edhe i mituri, ku me të takuar të ndjerin ka shtënë në drejtim të tij me armë zjarri”, thuhet në njoftimin e prokurorisë, përcjell Arbresh.info.

“Viktima M.L., dërgohet në Qendrën e Mjekësisë Familjare në Kaçanik dhe nga ekipet mjekësore është konstatuar vdekja e tij, e cila ka ardhur si pasojë e plagëve të marra nga predhat e armës së zjarrit, andaj, me këto veprime në bashkëkryerje do të kryenin veprën penale “Vrasje e rëndë” nga neni 173 paragrafi 1 nënparagrafi 1.9 lidhur me nenin 31 të KPRK-së”, thuhet tutje në njoftim.

Kujtojmë se sot Njësia Speciale ka kryer aksion në 8 lokacione në Kaçanik dhe një në Klinë, ku kanë arrestuar shtatë persona të dyshuar për planifikimin dhe vrasjen e rreshterit Muhamed Lika./Arbresh.info

LEXO EDHE:

Disa nga të dyshuarit për vrasjen e rreshterit Lika ishin arrestuar edhe për djegien e gjykatës në Kaçanik

Njëri nga të arrestuarit në lidhje me vrasjen e policit Lika është djali i një zyrtari policor

Ekzekutimi i policit Lika: Disa të arrestuar me të kaluar kriminale, të përfshirë në raste me prirje ekstremiste