Zjarri në një banesë në Emshir, Policia: Evakuimi i banorëve po vazhdon, disa persona janë duke u trajtuar nga ekipet mjekësore

19:52 | 16 Janar 2025
E.G

Një objekt banesor është përfshirë nga zjarri sonte në Lagjen Emshir në Prishtinë.

Lajmin për Arbresh.info e ka konfirmuar zëdhënësja e policisë, Florie Ahmeti e cila tha po vazhdon evakuimi i banorëve,.

Sipas saj, disa persona janë duke u trajtuar nga ekipet mjekësore, kryesisht probleme që janë shkaktuar nga tymi.

“Sot rreth orës 18:40, kemi pranuar informatën për një incident zjarri në një ndërtesë në lagjen Emshir në Prishtinë. Menjëherë në vendin e ngjarjes kanë dalë policia dhe zjarrfikësit të cilët po merren me rastin. Derisa po vazhdon evakuimi banorëve të ndërtesës, bazuar në të dhënat e deritanishme disa persona janë duke u trajtuar nga ekipet mjekësore, kryesisht probleme që janë shkaktuar nga tymi.”, tha ajo./Arbresh.info/