Përfaqësuesi i posaçëm i Bashkimit Evropian për dialogun ndërmjet Kosovës dhe Serbisë, Peter Sørensen ka njoftuar se ka vazhduar diskutimet me ministrin e Punëve të Jashtme të Kosovës, Glauk Konjufca, lidhur me dialogun e ndërmjetësuar nga Bashkimi Evropian për normalizimin e marrëdhënieve mes Kosovës dhe Serbisë.

Në një postim në platformën X, Sørensen ka bërë të ditur se biseda është vijim i takimit të zhvilluar javën e kaluar në Bruksel.

Ai theksoi se diskutimet janë përqendruar në hapat e ardhshëm të dialogut, zbatimin e ligjit për të huajt dhe rëndësinë e angazhimit të vazhdueshëm në proces.

“Pas takimit tonë javën e kaluar në Bruksel, vazhdova shkëmbimin me ministrin e Jashtëm të Kosovës, Glauk Konjufca, lidhur me dialogun e ndërmjetësuar nga BE-ja për normalizimin e marrëdhënieve me Serbinë. U fokusuam në hapat e ardhshëm, zbatimin e ligjit për të huajt dhe rëndësinë e angazhimit të vazhdueshëm”, ka shkruar Sorensen./Arbresh.info

Following our meeting last week in BXL, continued my exchange with Kosovo FM @KonjufcaGlauk on the EU-facilitated Dialogue on normalisation of relations with Serbia. Focused on the way forward, the implementation of the law on foreigners and the importance of sustained engagement pic.twitter.com/f7uWa6VIrM

— EUSR for Belgrade-Pristina Dialogue (@EUSR_Dialogue) May 23, 2026