Për një javë policia në rajonin e Gjilanit shqipton 959 gjoba

09:18 | 6 Dhjetor 2024
E.K

Drejtoria Rajonale e Policisë në Gjilan, së bashku me Njësinë Rajonale të Trafikut Rrugor dhe stacionet policore, ka shqiptuar 959 gjoba gjatë periudhës 29.11.2024 – 05.12.2024, në kuadër të implementimit të planeve operative për sigurimin e trafikut.

Gjatë kësaj periudhe janë ndërmarrë aktivitete të ndryshme, duke përfshirë si hetimi i pesë aksidenteve që shkaktuan vetëm dëme materiale, hetimi i 22 aksidenteve të tjera që ka pasur të lënduar, si dhe janë shqiptuar masa për ndalimin e drejtimit të mjeteve për 23 ngasës.

Me qëllim parandalimin e aksidenteve dhe sigurimin e rendit në rrugë, Policia e Gjilanit apelon tek të gjithë ngasësit që të respektojnë rregullat e trafikut, sidomos në kushte moti të keq me shi dhe mjegull./Arbresh.info