Kurti: Në 2025-ën niveli i furnizimit me barna esenciale në Onkologji do të jetë 100%

21:06 | 11 Nëntor 2024
E.H

Kryeministri i vendit, Albin Kurti ka thënë se për vitin 2025 për Ministrinë e Shëndetësisë dhe ShSKUK-në janë ndarë 105 milionë euro.

Përmes një postimi në Instagram, Kurti tha se për herë të parë niveli i furnizimit me barna esenciale në Klinikën e Onkologjisë do të jetë 100 për qind.

“Për Ministrinë e Shëndetësisë dhe Shërbimin Spitalor dhe Klinik Universitar të Kosovës për vitin 2025 kemi ndarë 105 milionë euro, ku përfshihen buxheti për barna esenciale, materiale tjera të nevojshme dhe shërbime shëndetësore. Përmes tij, po shtojmë barna të reja në listën esenciale dhe në vitin që vjen për herë të parë niveli i furnizimit me barna esenciale në Klinikën e Onkologjisë do të jetë 100%. Klinikë pas klinike”, ka shkruar Kurti./Arbresh.info