Tom Brady drejtoi Tampa Bay Buccaneers në një fitore të rehatshme me rezultat 31-9 kundër Kansas City Chiefs për të zgjatur rekordin e tij me 7 fitore në Super Bowl.

Në sezonin e parë pas një karriere të mrekullueshme 20-vjeçare me New England Patriots, qendërmbrojtësi ndihmoi Tampa Bay të bëhet ekipi i parë që fiton Super Bowl në stadiumin e tyre, raporton BBC.

Pavarësisht përballjes me Kansas City dhe qendërmbrojtësin e tyre të ri Patric Mahomes, të cilët ishin favoritë, Brady bëri tre pasime për ‘touchdown’ për të parandaluar ‘the Chiefs’ të bëhen kampion të NFL dy herë radhazi që kur e fituan Brady me Patriotët në sezonin 2004.

Në moshën 43 vjeçare dhe 188 ditësh, Brady u bë lojtari më i vjetër që ka luajtur në lojën më të madhe në sportin e Shteteve të Bashkuara, duke zgjatur rekordin e tij me 10 paraqitje në Super Bowl dhe duke iu bashkuar Peyton Manning si qendërmbrojtësit e vetëm që fituan Super Bowl me dy ekipe të ndryshme, transmeton arbresh.info.

Tashmë i njohur si lojtari më i mirë i të gjitha kohërave i NFL, Brady vendosi të largohej nga New England për një sfidë të re dhe u josh nga Tampa Bay, të cilët titullin e vetëm të Super Bowl e kishin fituar në sezonin 2002./arbresh.info/