Përhapja e COVID-19 apo koronavirusit në mbarë botën e po ashtu edhe në Shqipëri, ka bërë që shumë nga qytetarët të mbyllen në shtëpi për t’u mbrojtur nga ky virus vdekjeprurës.

Ndërsa ditët do jenë më monotone dhe më pasive, reperi Ledri Vula ka menduar që në këtë kohë pandemie të ju argëtojë paksa me muzikën e tij.

Ai në rrjetet sociale bën të ditur se nga sot në mesnatë do të mund të dëgjoni këngët e albumit më të ri.

Reperi i popullarizuar, që njihet edhe për anën e tij humane, edhe këtë herë e dëshmon se para gjithçkaje për të janë admiruesit e muzikës së tij.

Albumi “10/10”, siç tregon Ledri, ishte paraparë të publikohet më 10 prill, por ai ka vendosur ta ndajë me adhuruesit në këto ditë të vështira.

 

View this post on Instagram

 

⏰ 00:00 Ky album ka pas me dal me daten 10 prill. Kom vendos me publiku sonte. Ne kohen kur krejt jemi te obligum te qendrojm ne shpi, te kujdesemi per veten dhe te afermit, albumi 10/10 , i cili ka qendru me mu shum kohe, menoj qe tash e tutje duhet te qendroj me ju. Vjen koha qe na shume shpejt mu kthy ne jetet tona normale , vjen koha qe na me u pa e me u perqafu shume shpejt si gjith. 10/10 Out 00:00 @spotify @applemusic and all major platforms.

A post shared by Ledri Vula (@ledrivula) on Mar 12, 2020 at 12:04pm PDT

“Albumi 10/10 , i cili ka qëndruar me mua shumë kohë, mendoj që tash e tutje duhet të qëndrojë me ju”, ka shkruar Ledri në llogarinë e tij në Instagram.

Në fund, reperi po ashtu pati një mesazh për të gjithë shqiptarët duke shkruar, “Vjen koha që na shumë shpejt mu kthy në jetët tona normale, vjen koha që na me u pa e me u përqafu shumë shpejt si gjithë“.

Albumi “10/10” do të publikohet në Spotify, AppleMusic dhe të gjitha platformat e tjera online. /Telegrafi/