Mesfushori i Barcelonës, Sergio Busquets, ka thënë se eliminimi i tyre nga Kupa e Mbretit pas humbjes 1:0 nga Athletico Bilbao, nuk ka të bëjë me zënkën mes Lionel Messit dhe Eric Abidal.

Kampionët e La Ligas janë zhytur edhe më shumë në krizë të rezultateve, kur një gol i Inaki Willimas në minutën e 93’, bëri që katalanët të largohet nga garat e kupës që në fazën çerekfinale.

Pas kësaj humbje, Busquets është pyetur nëse ky rezultat vjen si pasojë e ndodhive të fundit në skuadrën e Barcelonës, që si protagonist patën Lionel Messin dhe Eric Abidal.

‘’Ne jemi të fokusuar vetëm në gjërat që kanë të bëjë me sport, edhe pse fituam javën e kaluar në La liga, humbja e sontme vret’’, deklaroi spanjolli duke e dribluar përgjigjjen direkte, transmeton lajmi.net.

Kujtojmë se në Barcelonë po mbretëron një situatë aspak e këndshme, pas tensionimit të raporteve në mes të Messit dhe Abidal.

Kjo marrëdhënie jo e mirë në mes të të dyve ka reflektuar edhe në pjesën tjetër të ekipit.