Los Angeles Lakers kanë pësuar humbjen e tretë radhazi në NBA, ku u mposhtën nga Sacramento Kings me rezultat 124-112.

Kings dominuan në tre cerekët e parë të takimit, teksa në periudhën e fundit rezultati ishte baras, shkruan Arbresh.info.

Më i dalluari në këtë takim ishte Luka Doncic me 42 pikë, shtatë kërcime e tetë asistime, por kjo super performancë nuk i ndihmoi Lakers të marrin fitore.

Tek Lakers u dallua edhe LeBron James me 22 pikë.

Ndërsa tek Kings, shkëlqeu DeRozan me 32 pikë, Monk shtoi edhe 26 tjera, kurse Westbrook luajti me 22 sosh.

Kjo ishte vetëm fitorja e 10 për Kings krahas 30 humbjeve, ndërsa për Lakers ishte disfata e 14 krahas 23 fitoreve.

Përkundër nisjes së mirë Lakers me tri humbjet e fundit ka rënë në pozitën e pestë të konferencës perëndimore të NBA./Arbresh.info