Manchester United ka luajtur mbërmë ndeshjen e tretë në kuadër të Champions League, ndaj danezëve të Copenhagës, ku realizuan fitore me rezultat të ngushtë 1-0.

Kjo ishte fitorja e parë këtë sezon në CHL, për ‘djajtë e kuq’, njëkohësisht kjo fitore i mban në lojë për kualifikim tutje, shkruan Arbresh.info.

Golin e fitores për United e shënoi Harry Maguire në minutën e 72-të.

Por ky gol mund edhe të mos vlente fare, po mos të ishte Andre Onana.

Në minutën e shtatë të kohës shtesë u akordua penallti për Copenhagen, por që lojtari suedez Larsson gaboi nga pika e bardhë, duke mos arritur të evitoj humbjen.

Penalltia u prit nga Onana kështu që u bë një hero nga zero në Manchester, pas atyre gafave që bëri në dy ndeshjet e para të CHL, ndaj Bayernit dhe Galatasaray, shumica e fajësonin Onanën për ato dështime.

Portier kamerunas u shpreh i lumtur, pas ndeshjes dhe beson që do të vazhdojnë me rezultate pozitive.

“Ne jemi Manchester United. Ne jemi një klub i madh, lojtarë të mëdhenj. Është vetëm çështje kohe, tani duhet të vazhdojmë kështu. Nuk kam dyshim se do t’ia dalim”, deklaroi Onana.

Ai tha edhe disa fjalë për veten e tij.

“Unë thjesht po bëj punën time që më takon”, ka thënë Onana për TNT Sports pas ndeshjes.

Kujtojmë se pas kësaj fitore Manchester United është në vendin e tretë me tre pikë, në grupin A, në të cilin prinë Bayerni me nëntë pike, e dyta është Galatasaray me katër pike, kurse e një pikë e fundit është Copenhagen./Arbresh.info/