Mesfushori i Real Madridit, Luka Modric pretendon se bashkëkombësi i tij Mateo Kovacic do të jetë një lojtar shumë i rëndësishëm për klubin në të ardhmen.

Kovacic iu bashkua Realit dy vite më parë dhe ka bërë 73 paraqitje për klubin, por lojtari nuk ka arritur të jetë pjesë e formacionit starutes të skuadrës së Zinedine Zidanes pasi Modric dhe Toni Kroos vazhdojnë të jenë para tij, transmeton portali arbresh.info.

Është sugjeruar që Kovacic do të jetë pasardhësi i Modricut, por ky i fundit nuk e ka problem këtë duke thënë se 23-vjeçari do të ketë një të ardhme të ndritur.,

Duke folur rreth të ardhmes, Modric u përgjigj për ‘Marca’ duke qeshur: “Unë ende nuk dua të ndalem dhe kam shumë vite të mbetura. Mateo ka virtytet e tij, ju mund ta shihni këtë në fushë”.

“Ne nuk duhet t’i shkaktojmë presion atij duke thënë se është pasardhësi i këtij futbollisti apo i atij. Ne duhet ta lëmë atë me stilin e tij të lojës. Gjithmonë i kam besuar atij dhe në të ardhmen ai do të jetë një lojtar shumë i rëndësishëm për Madridin”

Kovacic, i cili ka qenë pjesë e Kroacisë në 36 ndeshje, ishte gjithashtu pjesë e skuadrës së Real Madridit që fitoi Ligën e Kampionëve dhe La Ligën sezonin e kaluar./arbresh.info