Google ADS

Milan i dashuruar pas Gulerit, Real Madrid mund ta dërgojë atë në formë huazimi

15:07 | 10 Korrik 2024
.

AC Milan ka filluar punën e tyre në merkaton verore.

Së fundmi, skuadra italiane ka shprehur interesim për yllin turk tek Real Madridi, Arda Guler, shkruan Arbresh.info.

Mediat italiane, kanë raportuar se Milani ka shprehur interesim që 19-vjeçari të mbërrijë tek Milano më të njëjtën formulë huazimi si ajo e Brahim Diaz, i cili para një sezoni u rikthye tek skuadra spanjolle.

Duke llogaritur në lojtarët që Carlo Ancelotti ka në dispozicion, gjasat që adoleshenti turk të ketë minutazh të mjaftueshme është e vogël.

Të paktën kështu mendojnë te Milan-i, ofertë kjo që mund të marrë lehtësisht miratimin e Carlo Ancelotti-t. Megjithatë, lojtari duhet ende të bindet, pasi ai raportohet të jetë pak ngurrues për t’u larguar nga Madridi dhe plot dyshime për aventurën e tij të mundshme në Serie A./ Arbresh.info

Shpërndaje në rrjete sociale