Legjenda e AC Milan, Fabio Capello, i ka dhënë mbështetjen e tij kalimit të sulmuesit të Manchester United, Rasmus Hojlund, në kampin kuqezi.

Sipas raportimeve, sulmuesi danez mund të largohet nga Manchester United për rreth 30 milionë funte, veçanërisht pas ardhjes së Benjamin Sesko nga RB Leipzig, që i ka ngushtuar hapësirat në skuadër.

Capello në një intervistë për Sky Italia tha: “E njoh Hojlundin, ka treguar shumë cilësi, edhe pse në një periudhë te Manchester United nuk ishte në nivelin më të mirë, megjithatë ka bërë gjëra të mëdha”.

“Kalimi te AC Milan do të ishte një sfidë e madhe për të. Mendoj se mosha e tij dhe një trajner si Massimiliano Allegri mund t’i sjellin shumë përfitime”, shtoi ai.

Kontrata e Hojlund me Manchester United skadon në vitin 2028, por tani duket se ai po afrohet drejt një aventure të re në Serie A me Milanin.