Harruan valixhen me drogë, shqiptarët arrestohen në flagrancë

19:31 | 7 Nëntor 2017

Një valixhe e dyshimtë në një kompani transporti në Rodho ka ngritur policinë greke në këmbë.

Sipas mediave greke, efektivet kanë pritur deri sa aty kanë ardhur dy shqiptarë ta marrin.

Brenda valixhes është gjetur gjysmë kg kokainë (507 gram) dhe ndërkohë janë arrestuar dy shqiptarë 32 dhe 34 vjec, emrat e të cilëve nuk janë zbuluar.

Droga thuhet se ishte futur në një DVD player.

Pas arrestimit, Policia ushtroi kontroll edhe në banesën e tyre ku u gjet dhe sekuestrua edhe 100 gram kokaine dhe 240 euro, 1 peshore dhe 1 shkop bejsbolli. Nuk dihet se nga vinte valixhja e mbushur me drogë.

Shpërndaje në rrjete sociale