Tre punonjës të burgut të Shënkollit në Lezhë janë arrestuar për shpërdorim detyre në lidhje me ngjarjen e një dite më parë (4 shkurt) kur i burgosuri Daut Laze arriti të arratisej.
Pjetër Ndoka, Mark Nikolli dhe Zhaneta Medha janë arrestuar nga Shërbimi i Brendshëm, pasi në momentin e arratisjes së Lazes kanë qenë në detyrë dhe nuk e kanë përmbushur atë.
Një ditë më parë 49-vjeçari Daut Laze, ndërsa ndodhej në dhomën e mjekimeve të burgut të Lezhës, shfrytëzoi mundësinë për t’u arratisur.
Policia vendosi shpërblim 10 mijë euro për këdo që jep informacione të vlefshme që çojnë në kapjen e autorit.
Laze u arrestua më 16 nëntor 2021 për dhunë në familje. Sipas informacioneve paraprake, ai vuan nga probleme të shëndetit mendor.
Me vendimin nr. 528, datë 4 nëntor 2024, Gjykata e Shkallës së Parë të Juridiksionit të Përgjithshëm Tiranë kishte vendosur ndaj tij masën mjekësore “Mjekim i detyruar në një institucion mjekësor”, sipas nenit 46 të Kodit Penal./rtsh.al/
“Do të forcojmë ushtrinë”, marrëdhëniet me Shqipërinë, Kurti...
Chelsea po tenton transferimin shokues të yllit të Liverpool...
Rriten shanset se një asteroid mund të godasë Tokën në vitin...
Publikohen imazhe të modelit të ri nga Jaguar duke u testuar...
E vërtetë apo gënjeshtër? Dhimbja e shpinës – lajthitjet më ...
Arrestohet një person, kërcënoi ashkalitë nëse s’e votojnë L...