Kapet furgoni me 150 shpezë të futura ilegalisht nga Serbia në Kosovë

23:04 | 15 Prill 2026
E.H

Sot rreth orës 20:00, në magjistralen Preshevë – Gjilan është ndaluar një automjet/furgon i dyshuar, i cili kishte hyrë ilegalisht nga Serbia në territorin e Republikës së Kosovës.

Policia e Kosovës njofton se gjatë kontrollit të automjetit i cili drejtohej nga i dyshuari shtetas i Serbisë, është konstatuar se në furgon ndodheshin 15 kafaze me gjithësej 150 shpezë, për të cilat drejtuesi i mjetit nuk posedonte asnjë dokument mbi prejardhjen e tyre.

“Lidhur me rastin, automjeti së bashku me mallin (shpezët) është sekuestruar nga Policia e Kosovës për procedim të mëtejm tek Dogana e Kosovës. Policia e Kosovës mbetet e përkushtuar në parandalimin dhe luftimin e kontrabandës dhe dukurive të tjera të kundërligjshme, me qëllim të ruajtjes së rendit dhe sigurisë për të gjithë qytetarët në territorin e Republikës së Kosovës”, thuhet në njoftim./Arbresh.info