Departamenti i Thesarit i ShBA-së njoftoi sot sanksione ndaj më shumë individësh, kompanish dhe anijesh që thuhet se janë të përfshira në eksportimin e naftës dhe gazit natyror iranian.

Nëntë anije, një përzierje cisternash nafte dhe gazi të lëngshëm, janë përfshirë në sanksione, si dhe disa kompani me seli në Emiratet e Bashkuara Arabe.

Njoftimi vjen një ditë pasi Departamenti i Thesarit njoftoi se do të rivendoste sanksionet e tij mbi të gjithë naftën iraniane, pasi i dha përkohësisht Teheranit një licencë njëmujore për të shitur naftë që ka qëndruar pezull në anije cistern, raporton CNN.

Sekretari i Thesarit, Scott Bessent, sinjalizoi sot gatishmërinë e SHBA-së për të zbatuar sanksione të mëtejshme, duke thënë se është gati të vendosë “sanksione dytësore” ndaj vendeve që blejnë naftë iraniane