Lajmet e rrejshme tashmë kanë përfshirë shumë prej personazheve të njohur.

Raportimet e rrejshme për vdekje apo aksidente janë më të ndjeshmet, të cilat ndikojnë negativisht dhe prekin personat që apostrofohen në lajme të tilla.

Së fundmi, i prekur nga ky fenomen ka ngelur edhe këngëtari i njohur Shkelzen Jetishi – Xeni.

Për këngëtarin nga Gjakova, është raportuar në disa media të rrejshme se i ka vdekur bashkëshortja, lajm i cili del të jetë jo i vërtetë.

Përmes një statusi në rrjetin social Facebook, Xeni ka reaguar duke demantuar një lajm të tillë, ndërsa ka treguar se ai dhe familja e tij gëzojnë shëndet të plotë.

Këngëtari Jetishi citon se i vjen keq për shqetësimet që janë krijuar në rrjetet sociale.

“Familjare, miq,dashamire ,shoke…po qarkullon ne nji portal se kam pase nji fatkeqesi…..por s’eshte e vërtetë …rrini pa merak se jemi gjithe familja shendosh e mire….me vje keq per shqetesimet qe ju kane sjelle…”, (sic.), ka shkruar Shkelzen Jetishi./telegrafi/