Pas javësh spekulimesh në rrjetet sociale, ish-banorja e spektaklit Big Brother VIP Albania, Brikena, ka konfirmuar zyrtarisht përfundimin e lidhjes së saj me Mateon.

Ajo e bëri të ditur lajmin përmes një mesazhi të publikuar në grupin e saj të fansave në Instagram, ku sqaroi se ndarja ka ndodhur në mënyrë paqësore dhe me respekt të ndërsjellë.

Brikena theksoi se mes saj dhe Mateos nuk ka pasur mosmarrëveshje apo mungesë respekti, duke kërkuar që të mos krijohen aludime apo histori të pavërteta rreth përfundimit të marrëdhënies së tyre.

Në reagimin e saj, ajo u shpreh mirënjohëse për kohën e kaluar së bashku me ish-partnerin, duke vlerësuar rolin që ai ka pasur në jetën e saj. Sipas saj, ndonëse rrugët e tyre janë ndarë, kjo nuk nënkupton armiqësi apo fajësime mes tyre.

Ish-banorja e BBVA-së bëri të ditur gjithashtu se për një periudhë do të tërhiqet nga disa grupe në rrjetet sociale, pasi dëshiron më shumë qetësi dhe hapësirë personale për të përballuar këtë fazë të jetës së saj.

Në fund të mesazhit, Brikena falënderoi ndjekësit për mbështetjen dhe dashurinë e vazhdueshme, duke kërkuar mirëkuptim dhe respekt për

privatësinë e saj  ./Arbresh.info