Sot mbahet protestë para stacionit policor në Lipjan, kërkohet drejtësi për Agon Zejnullahun

07:09 | 12 Korrik 2025
E.K

Sot në ora 11:00, para stacionit policor në Lipjan do të mbahet një protestë paqësore me moton “Drejtësi për Agonin”.

Kjo protestë do të jetë e organizuar nga familja dhe miqtë e 27 vjeçarit Agon Zejnullahu, i cili vdiq në rrethanat ende të paqarta në orët e para të 7 korrikut gjatë intervenimit të policisë për ta arrestuar atë.

Albani, vëllai i të ndjerit, ka bërë thirrje publike për pjesëmarrje në protestë, duke theksuar se kjo është një kërkesë qytetare për drejtësi dhe transparencë.

Sipas tij, institucionet kanë dështuar në detyrën më themelore, mbrojtjen e jetës së qytetarëve.

“Le të jetë kjo hera e fundit që një qytetar humb jetën nga dështimi i atyre që duhet ta mbrojnë,” thuhet në njoftimin e familjes.