Rreth 1 mijë kandidatë konkurrojnë për 146 vende pune në veri të Mitrovicës

16:43 | 4 Gusht 2017
Arbresh.info

Rreth 1 mijë kandidatë, të cilët kanë aplikuar për punë në fusha të ndryshme në Komunën e Mitrovicës Veriore, i janë nënshtruar testit i cili po mbahet sot gjatë gjithë ditës në hapësirat e Fakultetit të Shkencave Teknike në veri të Mitrovicës.

Drejtoresha e administratës në këtë komunë, Adriana Hoxhiq, ka bërë të ditur për se kandidatët që kanë aplikuar për vende të punës i përkasin të gjitha etnive.

Sipas saj, janë gjithsej 916 kandidatë, prej të cilëve 403 kanë aplikuar në fushën e arsimit, 513 të tjerë në administratë, shëndetësi etj., ndërsa testet po mbahen në gjuhën shqipe dhe serbisht

“Gjithçka është duke shkuar mirë dhe sipas planit të paraparë, ndërsa deri tani nuk është shfaqur asnjë problem”, ka thënë Hoxhiq.

Ndryshe, numri i atyre të cilët do të punësohen në këtë komunë është 146 kandidatë, të cilët pritet që brenda një muaji të fillojnë punën./arbresh.info/