Kryetari i Prishtinës, Përparim Rama ka njoftuar se po vazhdon sinjalizimi i hapësirave për parkim veture për personat me aftësi të kufizuara në shumë pjesë të Kryeqytetit.

Rama bëri apel te qytetarët e tjerë që të mos parkojnë në hapësirat e dedikuara për ata.

I pari i Prishtinës shton se edhe nëse paguani për ata parking, do të gjobiteni.

“Po vazhdon sinjalizimi i hapësirave për parkim veture për personat me aftësi të kufizuara në shumë pjesë të Kryeqytetit. Të nderuar qytetarë. Ju lutemi shumë, mos parkoni në hapësirat e dedikuara për personat me aftësi të kufizuar. Edhe nëse e paguani parkimin në këto hapësira gjithmonë do të gjobiteni”

“Edhe nëse nuk gjeni vende të lira në tjera hapësira, dhe parkoheni këtu, do të gjobiteni; Edhe nëse në lagjen tuaj nuk është asnjë banorë me nevoja të veçanta dhe ju parkoheni, përsëri do të gjobiteni. Nuk ekziston justifikim i asnjë forme që do të lejojë tolerancë për parkimin tuaj në këto hapësira, sepse janë të dizajnuara vetëm për personat me nevoja të veçanta”, shkruan Rama në Facebook.