‘Me këtë ligj që po kërkohet të kalohet brenda 24 orëve është vjedhur pasuria e Kosovës’

12:06 | 28 Qershor 2018
Arbresh.info

Deputeti i VV-së, Sami Kurteshi ka thënë se me Projektligjin për Dhomat e Posaçme të Gjykatës Supreme që po kërkohet të kalohet brenda 24 orëve, është vjedhur pasuria e Republikës së Kosovës.

Ai ka kritikuar Qeverinë e Kosovës se përse nuk kanë sjellë një dokument për të treguar se cilat ndryshime janë bërë, raporton arbresh.info.

“Me këto ligje që po kërkohen të kalohen brenda 24 orëve është vjedhur pasuria e Republikës së Kosovës. Për 10 ditë nuk varfërohet popullsia e Kosovës. Nuk keni gjet mundësinë ta sjellni një dokument për të na treguar se cilat ndryshime i keni bërë. Ju keni sjellë një ligj të ri, pse nëse janë vetëm dy-tri nene nuk po thoni është vetëm Plotësim-ndryshim. Ne sot nuk e dimë për çka kemi me votu në parim’, ka thënë Kurteshi.

Sipas tij, po votohet për një ligj që i ka bazat për plaçkitje të pasurisë publike të Republikës së Kosovës./Arbresh.info