Ibishi e vlerëson me notën 10 punën e sotme të Policisë në veri

00:41 | 27 Mars 2018
Trina Galanxhi

Ish-deputeti i Kuvendit të Kosovës nga radhët e Lidhjes Demokratike të Kosovës, Nuredin Ibishi, ka komentuar arrestimin e shefit të të ashtuquajturës Zyrë për Kosovën në Qeverinë e Serbisë, Marko Gjuriq, në Mitrovicën e Veriut.

Ibishi, njëherësh ish-anëtar i Komisionit parlamentar për Punë të Brendshme, për Siguri dhe për Mbikëqyrjen e Forcës së Sigurisë së Kosovës, i ftuar në emisionin “DPT Te Fidani”, në T7, ka vlerësuar se “Policia e Kosovës kreu një detyrë të shkëlqyer, në bazë të urdhrave të menaxhmentit”.

Sipas tij, policët e njësisë speciale “zbatuan vendimin me përpikëri, duke vepruar proporcionalisht me rastin” – duke ndërprerë një tubim të serbëve për të arrestuar Gjuriqin, që hyri në Kosovë ilegalisht, pasi iu refuzua leja nga autoritetet kosovare.

Ai e ka vlerësuar me notën 10 punën e Policisë në veriun e vendit sot.

https://www.facebook.com/Televizioni7/videos/1992082024379511/