Kryetari i Aleancës për Ardhmërinë e Kosovës, Ramush Haradinaj në 31-vjetorin e Deklaratës Kushtetuese të 2 korrikut 1990, ka thënë se kjo datë do të mbetët gjithmonë në kujtesën historike.

Haradinaj përmes një postimi në ‘facebook’ u shpreh se as forca e armëve e as zhurma e tankeve nuk i firkësoi Delegatët e Pavarësisë, shkruan portali arbresh.info

“Në kohë shtetrrethimi, ata kishin guximin që të vendosin gurin e parë, në themelin e një shteti që kishte nisur rrugën drejt pavarësisë”, shkruan Haradinaj.

Postimi i tij i plotë:

Në kohë shtetrrethimi, ata kishin guximin që të vendosin gurin e parë, në themelin e një shteti që kishte nisur rrugën drejt pavarësisë.

Ata nuk i frikësoi forca e armëve e as zhurma e tankeve. Ata i dërguan botës mesazhin e përcaktimit të shqiptarëve të Kosovës për liri e pavarësi. Ata janë “111 Delegatët e Pavarësisë”.

2 korriku përgjithmonë në kujtesën tonë historike.

RH
Ndryshe, Kuvendi i Kosovës sot në ora 10:00 do të mbajë seancë solemne për shënimin e 31-vjetorit të miratimit të Deklaratës Kushtetuese të 2 Korrikut 1990. /arbresh.info/