Kryetarja e Kuvendit, Vjosa Osmani, njëherit edhe nënkryetare e Lidhjes Demokratike të Kosovës së shpejti pritet të jetë personi i dytë më i rëndësishëm në Lëvizjen Vetëvendosje.

Burime brenda Kuvendit të Kosovës, thonë për arbresh.info. se tashmë ky dakordim është pothuajse i kryer.

“U kry kjo pune, veç dita e ditës mbetet me u bo publike edhe për opinionin”, deklaroi ky burim, derisa shtoi se kjo mund të ndodhë menjëherë pas vendimit të Gjykatës Kushtetuese në lidhje me dekretin e presidentit, Hashim Thaçi, për të mandatuar Avdullah Hotin për krijimin e qeverisë së re.

Osmani nuk e ka të sigurtë edhe pozitën e kryeparlamentares, pas vendimit të Kushtetueses.

“Nuk dua të bëjë publike vendimin tim para se Gjykata Kushtetues të japë vendimin e saj”, kishte deklaruar Osmani në një konferencë për medie.

Zyrtarë të LDK-së tashmë kanë dalur hapur me deklarata se “Vjosa Osmani nuk është pjesë e LDK-së”.

Zyrtari i lartë i LDK-së, Haki Rugova, deklaroi ditë më parë se ajo nuk i takon kësaj partie më.

“Nuk ka asnjë standard në botë që ekziston, ku mund të lejohet që dikush mund ta trajtojë atë në këtë formë”, deklaronte Rugova.

E për të vulosur raportet e Vjosa Osmanit dhe Albin Kurtit, vetë Osmani kishte përmendur një metaforë që bëri bujë në medie dhe opinionin publik.

“Edhe zogjtë e malit e dinë që me Kurtin kam qëndrime të përbashkëta”, pati thënë Osmani./arbresh.info/