Ministri i Shëndetësisë, Arben Vitia bëri të ditur se më ashpërsimin e masave për parandalimin e përhapjes së koronavirusit, do të ndryshohet edhe orari i marketeve.

Sipas tij, nga 15 prilli, kur edhe pritet të hy në fuqi ky vendim, marketet do të punojnë deri në ora 23:00.

“Ky është orari,  i cili është për qytetarët, orari I cili është për t’u shërbyer qytetarëve. Nëse nga ora 7:00 fillon qarkullimi i  qytetarëve, ata që u shërbejnë  do të kenë leje qarkullimi nga ora  6:30, në 22:30  mbaron qarkullimi i qytetarëve, , kurse ata që u shërbejnë qytetarëve, kanë leje qarkullimi deri në orën 23:00”, tha Vitia.

Ministri Vitia bëri të ditur se është hartuar lista e bizneseve të domosdoshme që do të kenë leje qarkullimi në orare të caktuar.

“Te bizneset, bashkë me ministren Hajdari e kemi hartuar listën e bizneseve të domosdoshme që do të kenë leje qarkullimi në orare të caktuara.  kurse pjesa e fundit janë organet dhe institucionet të cilat do të kenë leje të qarkullimit për 24 orë, e këtu bëjnë pjesë edhe gazetarët, mirëpo gazetarët kur janë në krye të detyrës”, u shpreh Vitia.

Në anën tjetër ministrja e Ekonomisë, Rozeta Hajdari tha se ky vendim ishte i domosdoshëm për parandalimin e përhapjes së këtij virusi.

Ajo, tha se është në dijeni për goditjen që ka pësuar ekonomia e vendit dhe se me ashpërsimin e këtyre masave vec se do të  goditet, mirëpo është në pyetje jeta e qytetarëve.

“Ne e dimë se ekonomia në vendin tonë veç është duke u godit dhe me këtë vendim veç se do të goditet edhe më shumë, por është me rëndësi se nëse ec kjo pandemi, e nëse ne nuk ndërmarrim masa, do të ishte edhe më keq. Do të ishte më keq për jetën e qytetarit, por edhe për ekonominë”, u shpreh Hajdari./arbresh.info