Njësia Speciale e Policisë së Kosovës është duke zhvilluar një aksion të madh në Kaçanik, që ndërlidhet me vrasjen e rreshterit, Muhamed Lika.

Lajmin për Arbresh.info e ka konfirmuar zëdhënësi i policisë, Baki Kelani.

“Policia e Kosovës, me njësitë e saja relevante pas hetimeve intensive, sot në orët e hershme të mengjesit ka filluar një operacion policor, i cili ndërlidhet me rastin e vrasjes së Rreshterit policor Muhamed Lika në Kaçanik. Pas përfundimit të operacionit policor, do të bëhen publike informacione shtesë”, ka thënë Kelani.

Sipas raportimeve, aksionet po zhvillohen në disa vende në qytet.

Vrasja e policit Muhamed Lika në Kaçanik kishte tronditur vendin. Ai u qëllua me armë zjarri më 1 prill.

Kryeprokurori i Prokurorisë Themelore në Ferizaj, Burim Çerkini, kishte bërë të ditur të mërkurën se rreshteri i Policisë së Kosovës, Muhamet Lika, u vra nga dy persona në shkallët e ndërtesës ku banon teksa po kthehej nga puna, dhe se autorët e dyshuar ndodhen në arrati./Arbresh.info

LEXO EDHE:

Aksion i madh i Njësisë Speciale në Kaçanik, raportohet se është bastisur një lokal me barna popullore