Vrasja e 30-vjeçares Liridona Ademaj, ku në mesin e të dyshuarve është edhe bashkëshorti i saj, Naim Murseli shkaktoi shqetësim dhe reagim të madh të qytetarëve.

Profesori i kriminalistikës, ditëve të fundit, kishte deklaruar për media se çmimet për vrasje sillen nga  25-50 mijë euro, derisa ka edhe oferta për lëndime dhe dëmtime të pronave.

Ekipi i portalit Arbresh.info ka marr mendimet e qytetarëve lidhur me vrasjet e fundit që kanë ndodhur në vendin tonë dhe a është duke u shndërruar Kosova në një vend të rrezikshëm.

“Organet tona duhet të punojnë për të gjetur shkaktarin kryesorë që është i përfshirë në këto ngjarje. Jeta e njeriut nuk jepet për para dhe duhet të dënohet ashpër kjo. Policia e Kosovës duhet të angazhohet fuqishëm për t’i parandaluar këto vepra”- ka thënë njëri ndër qytetarë

Vrasja e Liridona Ademaj, ka ndodhur më 29 nëntor, ndërsa deri më tani janë arrestuar 3 persona, ku njëri prej tyre është edhe ish-bashkëshorti i saj, Naim Murseli, i cili dyshohet se kishte paguar të dyshuarin, Granit Plava, për vrasjen e gruas së tij. /Arbresh.info/