Norma e rritjes ekonomike gjatë këtij viti pritet të jetë negative dikur rreth -8%, kështu ka thënë kryetari i Odës Ekonomike Amerikane të Kosovës (OEAK) Arian Zeka në një intervistë për arbresh.info.

Drejtor ekzekutiv i Odës Amerikane Ekonomike në Kosovë, ka thënë se gjatë këtij viti mund të kemi rimëkëmbje ekonomike, por sipas tij duke e pas parasysh situatën aktuale politike mund të ketë vështirësi.

“Ende jemi në pritje të dhënave zyrtare të BQK-së që priten të dalin në ditët në vijim, por ajo çfarë mund të presim është norma e rritjes ekonomike të jetë natyrisht negative diku -8% siç është paraparë edhe nga ana e BQK-së gjatë vitit të kaluar po edhe nga ana e institucioneve financiare ndërkombëtare, shpresojmë që mos të jetë më e lartë sesa kaq. Është e rëndësishme të thuhet që viti 2021 së paku do të mundësoj që të kemi një rimëkëmbje të shpejtë dhe pse nëse e analizojmë situatën aktuale politike mund të ketë vështirësi në këtë aspekt në rritjen e një norme të kënaqshme”, tha Zeka.

Zeka për investimet e huaja: Kemi dështuar tu ofrojmë hapësirë investimeve të huaja

Kosova ka dështuar në promovimin e ofertës së vendit, e si pasojë e kësaj edhe nuk ka shënuar progres në tërheqjen e investimeve të huaja direket.

E kjo sipas Zekës ka ndodhur edhe në vitet e kaluara e jo vetëm gjatë pandemisë.

“Jo vetëm në vitin 2020, po në përgjithësi edhe gjatë viteve të kaluara edhe para shpërthimit të pandemisë Kosova nuk është që ka shënuar progres në aspektin e tërheqjes së investimeve të huaja direkte. Nuk kemi kurrfarë hapësire për tërheqjen e investimeve të huaja direkte, nuk mund të krahasohemi as me shtete të tjera të rajonit të cilat na rrethojnë të, cilat kanë aktivitet të shtuar industrial e që nxitet në masë të madhe nga investimet e huaja, gjë që ne në rastin tonë mund të themi se kemi dështuar në promovimin e ofertës së vendit para investitorëve të huaj dhe nuk kemi arritur t’i materializojmë edhe përmisimet që kemi bërë në aspektet e ndryshimit të mjedisit e të bërit biznes në vende përgjatë viteve”, u shpreh Zeka për arbresh.info/E.Haxhiu/

Kjo është intervista e plotë: