Në Tetovë do të vaksinohen nga 1.500 persona në ditë

15:54 | 3 Maj 2021

Më sallën sportive në shkollën e mesme të Mjekësisë në Tetovë sot u realizua simulim i vaksinimit kundër coronavirusit. Kjo qendër është paraparë për pikë vaksinale, ndërsa autoritetet pas simulimit theksuan se nga nesër vaksinimi masiv mund të fillojë pa pengesa.

Pika do të punojë në dy ndrime, nga ora 08:00 në mëngjes deri në ora 20:00 dhe do të sigurohen 20 kabina ku do të zhvillohet vaksinimi.

“Procesi i përgatitjeve në këtë pikë ka përfunduar, ndërsa sot kishin edhe provën kryesore. Në Tetovë deri tani për vaksinim janë paraqitur 11 mijë persona, por me hapjen e kësaj pike vaksinale sigurisht se ky numër do të rritet”, tha drejtori i spitalit të Tetovës, Borivoje Jorgaqieski.

Në procesin e vaksinimin në Tetovë janë përfshirë 40 punonjës shëndetësorë të cilët do të punojnë në dy ndrime ndërsa në dy-tre ditët e para në këtë pikë vaksinale do të vaksinohen nga 1.000 persona në ditë./Telegrafi/

Shpërndaje në rrjete sociale

Lajmet më të lexuara